Martxoaren 13tik aurrera bisita gidatuak antolatuko dira Olaso dorretxera, eta barrutik ezagutu ahal izango duzu, baita berton dauden artelanak, altzari zaharrak eta gordetzen dituen dokumentuak ere. Hementxe aurkituko duzu izena emateko lotura.
Olaso Dorrea Fundazioaren asmoa da bere ondarea ezagutzera ematea, dorretxea Bergararrei eta bisitariei irekiaz, eta horrela, Telesforo Monzonen nahiari erantzunaz.
Bergarako Udalak turismoa eta kultura herrian bultzatzeko duen asmoarekin bat egiten duen egitasmoa da hau, herri honek duen ondarea ahal den heinean erakusgai jarriaz eta bisitatzeko aukera eskainiz.
Horri jarraikiz, Laboratorium museoa ikusteko aukerarekin batera Olaso Dorretxean bisita gidatua ere egiteko aukera egongo da hemendik aurrera.
Bisita udalaren kanal turistiko eta kulturalen parte izango da eta kanal hauen bidez emango da izena, hain zuzen:
Telefonoz: (0034) 943 769003
Hilean hiru bisita egongo dira (2 euskaraz eta 1 gazteleraz), 2021eko Martxoaren 13tik aurrera.
Iraupena ordu t´erdi ingurukoa da eta taldeak gehienez 12 pertsonakoak izango dira.